სამეფო ოჯახის ახალი რძალი რიგითი ინგლისელი დიასახლისის ცხოვრებით ცხოვრობს.
არ გასულა "საუკუნის ქორწილიდან" ერთ კვირაც და პაპარაცებმა სუპერმარკეტ "Waitrose"-ში პროდუქტის საყიდლად მისული კემბრიჯის ჰერცოგინია დააფიქსირეს.
ქეთრინს ჩვეულებრივი ბრიტანელი დისახლისისგან ვერ გამოარჩევდით. ჰერცოგინიას მხრებზე მწვანე ფერის შალი ჰქონდა მოსხმული, თეთრი სვიტერი და შავი ფერის შარვალი ეცვა.
ქეთრინი მაღაზიის ეტლს მიაგორებდა, რომელსაც წინ შესაძენი პროდუქტების სია ჰქონდა მიმაგრებული. სავარაუდოდ, ქეთრინი მეუღლისთვის სპეციალური სადილის მომზადებას გეგმავდა.
ქეითს სამი პირადი მცველი დაჰყვებოდა, რომლებიც მის უსაფრთხოებას დარაჯობდნენ.
ერთადერთი ძვირფასი სამკაული, რაც სამეფო ოჯახის ახალ რძალს ეკეთა, პრინცესა დიანას ნიშნობის ბეჭედი იყო, რომელიც მას ბრიტანეთის სამეფო ტრადიციისამებრ ერგო.
მიუხედავად იმისა, რომ პრინც უილიამისა და ქეთრინ მიდლტონის ქორწილის ტრანსლაციას მთელი მსოფლიოს ტელეარხები პირდაპირ ეთერში გადასცემდა, ბრიტანელებმა ჩვეულებრივად ჩაცმულ ქალბატონში ჰერცოგინია ვერ ამოიცნეს.
როგორც ცნობილია, ქეითს გლამურულ ღონისძიებებში მონაწილეობა არ სურს. მაგალითად, ის არ დაესწრება დოღს, რომელიც ტრადიციულად ესკოტში იმართება და რომელსაც ელისაბედ მეორესთან ერთად ბრიტანელი დიდგვაროვნები ესწრებიან. სამეფო წყვილი ჩრდილოეთ უელსში მდებარე ფერმაში ცხოვრობს, სადაც ქორწილამდე დიდი ხნის განმავლობაში ცხოვრობდნენ.
ინფორმაცია
