| საიტის უკეთესად სანახავად გთხოვთ შეცვალეთ და შემოდით შემდეგი ბრაუზერებით: Mozilla Firefox, Google Chrome, Apple Safari, Netscape Navigator |
[sort]
რჩევა : და მაინც თუ მოგშივდათ.. გასწავლით ძალიან გემრიელიი და ადვილად გასაკეთებელი პიცის გაკეთებას ( მე კარგი გამომდის ) პიცა კვერცხით
მასალა 1კგ ცომისთვის:
• 700გ ხორბლის ფქვილი
• 200მლ წყალი
• 100მლ ზეთი
• 20გ საფუარი
• 1,5 ჩ.კ. მარილი
სხვა მასალა:
• 5 თავი ხახვი
• 50გ ნაღების კარაქი
• 4 ცალი მოხარშული კვერცხი
• 75გ არაჟანი
• 50გ გახეხილი ყველი
• 10 ცალი ზეთისხილი სურვილისამებრ
• 2-3 ცალი პამიდორი ან ტომატის პასტა
• გემოვნებით – პილპილი და მარილი
პიცა კვერცხით
ფქვილით, თბილ წყალში გახსნილი საფუარით, მარილითა და ზეთით მოზილეთ ცომი. გადააფარეთ ტილო და დადგით თბილ ადგილას 1-2 საათით. როცა ცომი აფუვდება, შეაზილეთ ცოტაოდენი ფქვილიც (ცომი უნდა იყოს რბილი და ხელზე არ უნდა გეკვრებოდეთ).
დაკეპილი ხახვი კარაქში მოდაღეთ, მოაყარეთ პილპილი და მარილი. გრძლად დაჭრილი კვერცხი და გახეხილი ყველი ფრთხილად აურიეთ არაჟანში. 300 გრამი ცომი გააბრტყელეთ და დადეთ ტაფაზე. ცომის დარჩენილი მასა გადაინახეთ შემდეგი პორციის გამოსაცხობად. ტაფაზე გაბრტყელებულ ცომზე გადაანაწილეთ დაჭრილი ხახვი, შემდეგ არაჟნიანი მასა და გააჩერეთ 15 წუთით. მასზე ქულებად გადაანაწილეთ ტომატის პასტა ან რგოლებად დაჭრილი პამიდორი. ასევე ზეთისხილის 10 ნაყოფიც სურვილისამებრ. პიცა შედგით წინასწარ გაცხელებულ ქურაში და აცხვეთ მომზადებამდე, საშუალოდ 30 წუთის განმავლობაში.
|
|
|
|
|
 ინფორმაცია |
| ჯგუფ guest-ის წევრებს არ აქვთ კომენტარის დატოვების უფლება. |
|
|
