***
შოკოლადის კაბას იცვამს,
ცივია და გემრიელი.
ყველა ბავშვი მას ნატრულობს,
როცა დღეა ძალზე ცხელი.
***
მზეს ეფიცხება ხის ტოტზე,
ბურთულა ლოყა წითელი.
ეს გემრიელი საკბილო,
მწვანეც არის და წითელიც
***
მას თუ გაფრცქვნი,
თვალებიდან
გადმოგცვივა ცრემლები.
მის გარეშე არ კეთდება,
გემრიელი კერძები.
***
თათარაში ამოავლეს
გრძელი ნიგვზის ასხმულა.
კოხტა გოგო შორიდან
მის ცქერაში გართულა.
***
ნაირფერი ფოთლებით
იმოსება ხეები,
აღარ ცხელა ძალიან
და მოკლდება დღეები.
***
მას ცხრათვალას ეძახიან
უამრავი წელია.
დედამიწას თავს დაჰნათის
და ძალიან ცხელია.
***
როცა მზე პირს იბანდა,
მან ცა ააფერადა,
უცინოდა პატარებს
და შვიდფრად ელავდა.
ინფორმაცია
